لعشاق حامد زيد تعالو هنا قصايد

مجموعة قصائد للشاعر(حامد زيد)
جمعتها لكم من عدة مواقع ..
/
/
القصيدة الاولى:
الشعراء

ما بقى إلا سود الأيام تحرمك الرقاد
كيف الاوهام تتجرأ تسريك مغبون

من متى تجزع من الدمع وتخاف البعاد
من متى تقفي بك ظنون وتجيبك ظنون

صرت تاخذ كذبتي صدق ومزاحي وكاد
لو بقول اني بخونك تحسب اني بخون

ما تعرف ان كل شاعر يهيم بكل واد
وانهم داايم يقولون ما لا يفعلون

ابكانا لو قلت ابنساك وانكرت الوداد
والله اني ما نسيتك ولا هم يحزنون

من جزع من صفعة الشمس يطمع بالبراد
ومن فقد وجهاته الخمس يلقابك ركون

اعتبرها هفوة انسان او كبوة جواد
لو بتسمح فانت غالي ولو تجرح تمون

عد صداتك مروه وطعناتك ضماد
خلهن لا راحن طعون ولا ردن طعون

خنجرك يستاهل الطعن ومتوني شداد
ومنك يا زين الخناجر ويا بخت المتون

رد لي حنية المزح باحساس الجماد
خلنا واحد يجي صلب والثاني حنون

موت فيني واندفن فيك بثياب الحداد
وان حييت اموت برضاك واحيابك بهون

مره ارقد بالكفن وانت ترقد بالمهاد
ومره ارقد بالمهد وانت ترقد بالكفون

ادري ان شجونك شجون واعنادك عناد
والبلا ان عنادك عناد وشجونك شجون

ربك اللي سخرك لي تقود وما تقاد
والله الخالق ولله في خلقه شؤون

ازرع ضلوعي من رضاك وابشر بالحصاد
لعن ابو من جيت ترضي وترد محزون

بس تسوى لك بلد قول تسوالك بلاد
انت كل العالم بكون ولحالك بكون

ما بعد محبتك حب ومرادك مراد
غير كونك سيد احشاي تدري من تكون

نعمتين اختصوا الخلق من جود الجواد
كافل الارزاق من حيث ما لا تعلمون

البنون ونعمة المال في عيون العباد
زينة الدنيا بلا شك في كل العيون

مثل زينة دنيتي بس عندي شي زاد
من عرفتك صاروا المال وانته والبنون

انتشي بك نشوة التيه لعناق الرشاد
وافزع لك بفزعة القوم لشهاق الزبون

واحصنك تحصين الارزاق عن درب الفساد
واعشقك عشق المظاليم لفراق السجون

لو تزيد الشوق جمره تحولني رماد
لو يزيد العشق شعره اوصل للجنون

خل هقواتك كبيره ونظراتك بعاد
كانك انت بكبرك تهون من اللي ما يهون

ازعلك وارهن حياتي تحت رحمة زناد
اتهبى لا والله الا انت والموت تهبون

عاد اذا لا ارضاك هرجي ولا اللي قلت فاد
اننا لله وانا اليه راجعون

وانت باكر بتعرف على ناس جداد
والكلام يجيك من كل شكل وكل لون

لا تحسب ان كل كلمه بتسمعها وكاد
ولا تصدق هرج شاعر وتخدعك الظنون

دايم اعرف كل شاعر يهيم بكل واد
وانهم دايم يقولون ما لا يفعلون

حتى انا اللي قلت اعشقك وما اطيق البعاد
يمكن اطلع لا لا عشقتك ولا هم يحزن


/
/


يتبع
\
\
\
\
\
\
\

استكمال

/
/
القصيدة الثانية :
أمي

قصيدتي زاد بعيوني جمالها
وأخذت أنقي بالمعاني جزالها

وأكتب معانيها من الشوق والغلا
لإمي وانا أصغر شاعر من عيالها

كتبتها في غربتي يوم رحلتي
لما طرى لي بالسفر ماطرى لي

امي وانا بوصف لها زود حبها
وان ماحكيت لها قصيدي حكى لها

امي لها بالجوف والقلب منزله
مكانة ماكل محبوب نالها

أقرب من ظلالي وانا وسط غربتي
وانا تراي اقرب لها من ظلالها

ماشافت عيوني من الناس غيرها
ولا خلق رب الخلايق مثالها

أغلى بشر في جملة الناس كلهم
وأكرم من يدين المزون وهمالها

أتبع رضاها وأرتجي زود قربها
واللي طلبته من حياتي وصالها

الصدق مرساها والاشواق بحرها
والعطف واحساس الغلا راس مالها

أهيم فيها وابتسم يوم قلبها
يسأل وانا قلبي يجاوب سؤالها

وان طلبتني شيء فزيت مندفع
اموت انا واحمل تعبها بدالها

اصبر على الدنيا والاحزان والتعب
واحمل على متني فطاحل جبالها

واسهر واعذب راحة القلب بالشقا
واعيش اعاني بس يرتاح بالها

تربية ابوي اللي على الطيب بذكره
اللي وهبني للحياة ومجالها

نور لي دروبي وانا طفل مبتدي
حتى تركني واحد من رجالها

الوالدين اولى بالاحسان لاجلهم
واولى بتكريم النفوس وعدالها

اقولها وانا على الله متكل
والله عليم بقدرتي واحتمالها

ياكلمة اغلى من الناس كلهم
ياشمس بقلبي بعيد زوالها

يافرحة تملي الكون باكمله
ياشجرة تكبر ويكبر ظلالها

تضحك لي الدنيا ليا شفت زولها
مثل السماء تزهي بطلة هلالها

والبعد عنها ياهل العرف ماقدره
لاشك ناري زايده باشتعالها

مااعيش ببلاد ولاهي بارضها
ولا بي عيوني كان ماهي قبالها

أرض تدوس بالاقدام رملها
أموت فيها واندفن في رملها

يتبع

استكمال

/
/
القصيدة الثالثة :
عطيتكــ

عطيتك عشق من قلبي..وسلمت لغلاك iiرقاب ii
وغيرك يحترق قلبه ولا يقدر iiيحاكيني

أنا قبلك صدفت عيون لكن ويش جاب iiلجاب؟ ii
ترى كل العيون اللي لقتني ما iiتكفيني

رماني حظي العاثر عليك وجيت لك iiطلاب ii
ولا أنتي اللي عشقتيني ولا انتي اللي iiعتقتيني

تعالي واعتقي ذاك الخفوق المولع المرتاب ii
مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب ii
وصوني بالهوى نفسك قبل لا انتي iiتصونيني

وشيليني على متنك : خفوقٍ باريٍ iiمنصاب ii
ومن فوق الغرام العذب .. شيليني وحطيني

ولا منك هقيتيني شجاع وما يطيق iiيهاب ii
أنا لك بالهوى والله مثل ما انتي iiهقيتيني

أنا ما أمشي ورا غيرك ولو أنه يطق iiالباب ii
وترى عيبٍ عليّ أطعن..ولو كثرت iiسكاكيني

زهودٍ ما يطيق الدم لا داين ولا طلاب ii
شجاع وعارفٍ نفسي وأظن أنك iiتعرفيني

غيورٍ ماعرفت أضحك مع الغدر ببّرود iiأعصاب ii
أبيع عيوني الثنتين قبل أنك iiتخونيني

إذا شد الغرام .. اترك خفوقي : بين ناب iiوناب ii
لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى iiكذاب ii
تثور بقلبي الفزعه ولا تهدى iiشياطيني

استكمال

/
/
القصيدة الرابعة :
الحلم

بـوقـت مــن الـبطا،وبليل تـترقص شـياطينه
بـعد شـفت الـضيا يـنزع مـن ثياب المسا iiثلثين

تـحـايلت الـمـنام الـلي مـثل بـيتك تـمرينه ii
وانـا الـلي مـن تـفارقنا وأنـا ماغمضت لي iiعين

غـريـبة!!كل حـلـم يـمـر بـرقادي تـزورينه
والاغـرب..كيف أحـلم الحلم،وارجع واحلمه iiبعدين؟

قـبـل يـومين،شفتك بـالمنام..وقمت مـن iiحـينه!
ونـمت أمـس،ورجع نـفس الـمنام اللي قبل يومين

أنـا الـلي قـبل اسـافر شـلت قـلبي من iiشرايينه
تـركـته فــي يــدك الأمـانه،واحفظيها iiزيـن

تــرى حـفـظ الأمـانه ديـن..مجبورة iiتـردينه
\أجـل ، مـافيه أحـد قال لك((حفظ الأمانة iiدين))؟!

مــرد الـمـقفي بـيـلفي..ويستوفي ،وتـوفـينه
بـعـدلـيـلـه،ثـلاثـه،أربعه،عشره،شهر،شهرين

إذا انـتـي ،مـاانتي بـقد الـكلام الـلي iiتـقولينه
حـرام...استامنك حـاجة،وإذا جـيت اطلبك iiتنسين

تـخونين،وتبين أرضـى!..واحد يـرضى iiتخونينه
أنـا لاجـيت أخـونك،مع حبيبة iiثانيه،((ترضين))!

مـن أول مـارجعت مـن الـسفر ماشفت لك iiبينه
وأنا اللي كنت أحسبك قبل ادوس ارض المطار..تجين

تـكونين أنـتي أول شـخص عـيني تحتضن iiعينه
وكـنت أتـخيلك مـن زود فـرحة iiرجـعتي..تبكين

وأشـوف بـدمعتك حـكيك..وأعرفه قـبل iiتـحكينه
واجـيب أحـلى مـن الـلي بتحكينه،وأتركك iiتحكين

تـقـولـيـن:الوطن iiنـور..وأقـول:بـنورمضوينه
تـقولي لـي:غديت أحـلى،وأقول:عيونك الـحلوين

كـــلام نــام بـشـفاهك..وخفتي iiلاتـصـحينه
ذخـرتـيه لـغـرام لـلي يـنام...ويترك تـصحين

تـغـانمتي غـيـابي..لين رجـحـتي iiمـوازيـنه
تـعلم مـن يـدك لـمس الـكفوف وعـلمك iiتجفين

ولـيـتك لاقـيـه بــه شـي...فيني iiمـاتلاقينه!
مـهو بـغرور..لكن خـابرك مـالك أمـل iiتـلقين

تـغـافلك بـغلا..والإ الـحلا مـهو بـمن iiزيـنه!!
تزينه الصور ..بس الصحيح ابن iiالحلال((زوين))!!

وأنــا مـاني بـنقاص عـنه يـوم أنـك iiتـبدينه
نـصيبي..هو نـصيبي لـو يـسددها من iiالصوبين

قـنـوع بـمـظهري،والسم مـايـذبح ثـعـابينه ii
عـلى قـول الـمثل((ماني حلو..لكني ماني iiشين))!

إذا أهــداك الـزهر مـره،فأنا اهـديتك iiبـساتينه
وإذا ألـهاك بـفرح لـيله، فـانا تـهت لبكاك iiسنين

وإذا اسـتـضعفتك أمـلاكـه...وشتتك مـلايـينه
أنـا حـتى فـتات الـخبزة أقـسمها مـعك iiنصين

طـموحي ،بـس أجـي وأظـفر بـشي iiتـستحقينه
تـديـنـتـه،تـسلفته،سرقته،مومهم iiمــنــيـن؟

كـأني مـن كـثر مـاارضى بـكل الـلي تـمنينه
لـو انـك تـطلبين الله ..يـعنيني، بـقول iiآمـين

أنـا مـاالعب عـلى الـحبلين،وقت الطيش iiوسنينه
تـبين الـحين يـوم أني كبرت العب على iiالحبلين؟!

تـرى عـند الـبدو بـالذات((عيب اللي iiتسوينه))
حـلاتـك لاعـشـقتي..تعشقيني لـيـوم iiالـديـن

غـرامٍ نـسكن ضـلوعه...حشيمه مـن مـجانينه
جـفـا،يجمع مـعـزتنا...ولاعشق يــذل iiأثـنين

كـثـار الـلـي تـحـدوني وقـالـولي ii:تـحبينه
امـانـه..لاتخليني صـغـير بـعينهم ii((تـكفين))!!

لانـــي كــل iiمـاقـالوا((تخون))..اقول:مسكينه
عـلـيك الله وأمـانـه..علميهم مـنـهو iiالـمسكين

أنــا خـايف((لياطاح الـجمل تـكثر iiسـكاكينه))
وأنـا مـاعاد بـضلوعي مـكان لـطعنة iiالـسكين

مـثل مـاقالوا(المكتوب واضـح مـن iiعـناوينه))
لـو ارحـل مـنك للغربه..بسافر من ظلامك iiوين؟!

كـفـايه..كل حـلـم يـمـر بـرقـادي iiتـزورينه
كـفاية...من تـفارقنا..وأنا مـاغمضت لـي عـين

قـبل يـومين شـفتك بـالمنام وقـمت مـن iiحـينه
ونـمت أمـس،ورجع نـفس الـمنام اللي قبل يومين

استكمال


/
/
القصيدة الخامسة :
الليالي سرمدية

من عرفت العلم وانتـي يالليالـي سرمديـه
والوصول أغلى طموحات الفتى بأول شبابـه

والمهابـه ماتهـادت غيـر لنفـوسٍ رديـه
ليت في قلب الليالـي للفتـى قـدر ومهابـه

دنيةٍ تجمـع صفاتيـن الخجـل والعنجهيـه
كنها بنـت يـزود بحسنهـا ثقـل وذرابـه

يوم جتنـي تمتحنـي فـي زمـان الجاهليـه
جيتها رجـلٍ تحلـى فـي تقاليـد الصحابـه

بالعطا تبخل علـي وبالعـذاب تمـوت فيـه
عشتها قلب شجـاع يكـره الضيـم ويهابـه

بس ابدري وش نهاية وصلها وأخـر هديـه
وهو صحيح ان القصايد للجريح أول عذابـه

ومن عرف لك يالليالي وانتي اكثر من هويـه
ومن تلحف في ترابك مقتنع باللي جـرا بـه

مـن قـدر طموحـه فـي زمـان المعمعيـه
مَن مِن الناس يتجرا يتركـك وانتـي ترابـه

السـؤال يعيـد نفسـه والاٍ جابـه مبدئيـه
والقلوب اللي تخالف ودهـا صـارت تشابـه

والخلايق ماتسـوي طيبهـا جـود وحميـه
كلنا نضحـك بوجـهِ مبتسـم للغـدر نابـه

لو يصير الموت راعي .. كلبونا لـه رعيـه
لو زعل نزعل ونرضى لا رضى حضرة جنابه

والله اني مانويت اكشـف ملفـات القضيـه
لكن اني شفت شـيٍ يفقـد العاقـل صوابـه

ياالحياه انتـي غديتـي بالغرابيـل اجوديـه
كنك اللـي مايميـز بالخطـا غيـر ارتكابـه

ماعطيتي غير جرح ولعنبوهـا مـن عطيـه
والله انك ما عطيتي خيـر للقلـب وصوابـه

خاينه .. ما انتي عزيزة خافقـي ياالأجنبيـه
جنبي عني وأجنـب مـن مداخيـل الغرابـه

وأخذ بـدربٍ يـدرك للقـى روحـه وجيـه
يايموت الـدرب ولا بدفـن القلـب بضبابـه

وان ذبحتني تمنـي رجعتـي وابكـي عليـه
لين تملين المحاجر بالبكـا حـزن وكـآ بـه

وادفنيني بيـن ظلـك والخيـوط العسجديـه
لو لقيتي بعد موتي واحـد بنفـس الصلابـه

شاعرٍ قدم قصيـده لاغلـب أيامـك ضحيـه
بيـن نـاسٍ مايطيقـون القرايـه والكتابـه

يازماني لو بقى للشعر فـي صـدري بقيـه
بكتبه وارسم خيالي بالـورق وأروي سرابـه

وكـان ردت للعنـاد وعــودت للمقـدريـه
والله أني ما اتنـازل ليـن اعديـه السحابـه

يازمـانٍ مبتلـي بـه وابتلـى فينـي بليـه
لاتلوم اللي يخونك كـان لـه عقـل ولبابـه

بقفل القلب المشقـى عـن هبايبـك العتيـه
ودق بابه من بعدها لـو قـدرت تـدق بابـه

الحياه اللـي تسمـي لعبـة الشاطـر خطيـه
ماتساوت في عيوني مـع جناحيـن الذبابـه

أذكر أنـي كنـت عايـش بالليـال الاوليـه
وأذكر أني كنت عايش وقتها باحضان غابـه

ماعرفت إلا عبـارة مثلهـا مثـل الوصيـه
عيش عمرك ذيب تسلم من مخاليب الذيابـه
/

/
/
القصيدة السادسة :
عاتبوها

بعد ماقابلتني عاتبوها
على شوف الحبايب حاسبوها

خذوها وأبعدوها غصب عني
وعن وجهة طريقي جنّبوها

وشالوها عن عيوني غصيبه
عواذل وأغصبوني وأغصبوها

خذوها من يديني شوف عيني
وعن عيني تعدّوا وأحجبوها

كلام وصدّقوا بالبنت كذبه
وهم اللي من أول كذّبوها

وهم وشدخلهم في مال بيّن
لبوها والخلايق طالبوها

وفيّه لاتخون ولاتعاند
جسوره والمواعيد أرعبوها

ملاكٍ كامله والكامل الله
ولكن العواذل عذربوها

وهي كلما دعتني تشتكي لي
عن اللي سالفتنا سرّبوها

تخاف وتلتفت مع كل كلمه
تظن أن العواذل راقبوها

تلفّت من عقب ماهي جريئه
شجاعه ماتهاب وهيّبوها

وأهدّيها وأنا حاير وثاير
مصيبه ياعذابٍ عذبوها

وهم كلما خذوها عن طريقي
تراهم صوب قلبي قرّبوها

وأنا ماتعّبت قلبي خيانه
خيانه رتّبوها وأحسبوها

ولا يعجز خفوقي لايقابل
جفا من حاربوه وحاربوها

وأنا لي عزّة ٍ تفرض عليّه
أخاطب بالجفا من خاطبوها

وأكسر لوحة الماضي وأزيله
وأخرّبها مثل ماخرّبوها

وأذوّقهم ندم ماصار فيها
وأشرّبهم من اللي شرّبوها

وأدلّعها وأولّعها بنفسي
وأشرٌّقها بعد ماغرّبوها

وأعوّضها عن اللي راح كله
وعن ذيك الليالي كلّبوها

غلاها بالحشى لازال ثابت
ولو حتى بغيري حبّبوها

وغلاي بقلبها مرّ وتعدى
غلاها لأمها ولا لأبوها

/
/