--------------------------------------------------------------------------------
هااااااااااااااااي
كيييفكم صبااااايااا
كييفكم شباااااااب
أنا قريييت هذي القصه بمنتدى
بس عجبتني مررررهـ و حبيت انقلها لكم
انشاء الله تعجبكم
يالله نبداااا
_______________________________
جراح ويوسف اصدقاء من زمان وتعرفون المواقف والدقات اللي تصير بين الأصدقاء
بس هالمرة الموقف اللي سواه يوسف بجراح
موقف ضيع حياة جراح
جراح كان داخل الشات بنك (( أدور على حب )) والحبيب داخل جو مو طبيعي
وطايحله سوالف مع بنات خلق الله
إتصل عليه صديقه يوسف ودار بينهم هالحوار
جـــراح : ألووو
يوسف : ألووو هلا والله جراحووو
جـــراح : هلا فيك حبيبي .. ها خير آمرني
يوسف : وشو آمرني .. ! تصرفني انت ووجهك ..
جـــراح : لا والله بعد عمري إنت بس آنا منهمك بالشات قز قز مو طبيعي يا يويسف وناسة
يوسف : ممم زين أجل وشو نكك .. ؟
جـــراح : ليش بتدخل علي .. ؟
يوسف : لا والله آنا وين والشات وين خبرك قديم ما قمت أدخل زهقت منه
جـــراح : ممم والله آنا نكي (( أدور على حب )) تعرف يمكن أصيدلي رمااانة من هالفواكه الموجودين بالشات
يوسف : أي رمان وأي فواكة .. ! حبيبي هذول بنات مو خضرة لوووووووووول
جـــراح : ههههههههههااااااااااي
يوسف : أوكي حبيبي آنا ماشي الحين بروح أنام تامرني على شي .. ؟
جـــراح : لا قلبي سلامتك نومة العافيه انشالله
يوسف : الله يعافيك .. تصبح على خير
جـــراح : وإنت من أهل الخير
يوسف : باااي
جـــراح : بااايااات
طبعا يوسف مافيه النوم وأصحى مني ومنكم بس أهو مجهز موقف ودقه محترمة لصديقه جراح
يوسف دخل الشات ودخل بنك (( أبي واحد يحبني )) يعني منتحل شخصية بنية
وقعد ينتظر وينتظر وياكل بطاااطس و بيبسي
لما دخل عليه نك (( أدور على حب )) لوووووووووول
اللي أهو جراح
جراح المسكين ما يدري على باله بنيه صدق لوووووووووول
ودار بينهم هالحوار
جـــراح : مساء الخير
يوسف : مساء النور ياهلا
جـــراح : شلونك شخبارك
يوسف : الحمدلله زينة .. وإنت شلونك
جـــراح : آنا بخير دامك بخير
يوسف : دوم انشالله مو يوم
جـــراح : تسلمين ما تعرفنا عليك يا حلوة
يوسف : معاك شيماء وإنت .. ؟
جـــراح : عاشت الأسامي .. معاك جراح
يوسف : عاشت أيامك .. الله إسمك يهبل مررهـ حلو ستاااااااااايل
جـــراح : تسلمين من ذوقك .. مادري شلون بنام اليوم
يوسف : لا آنا قلت إسمك يهبل مو إنته .. وبعدين تنام ما تنام كيفك:rolleyes:
جـــراح : أووو ليش كذذ تكسرين فيني .. آنا زعلت خلاص
يوسف : آسفة
جـــراح : لا كلا واحد .. شيماء كم عمرك .. ؟
يوسف : 18 وإنت ؟
جـــراح : 19
يوسف : العمر كله .. الله إنته أكبر مني :rolleyes:
جـــراح : طبعا طبعا .. يالله روحي سويلي بيض طماط بسرعة
يوسف : واي حدك واثق
جـــراح : طبعا واثق .. شيومه شلون الشات معاك اليوم .. ؟
يوسف : يعني .. وبعدين تعال ليش تدلعني .. ؟ من عطاك الحق
جـــراح : تنساني وتروح وحده وحده حتى أستوعب كلامك والجروح
يوسف : واااي ملاقة
جـــراح : شيومة شيومة
يوسف : هلا خير
جـــراح : لا بس قاعد أجرب الكيبورد .. لوووووووووول
يوسف : لوووووووووول .. تصدق عاد إنته تهبل تونس مررره .. شكلك ما تحب ولا جربت الحب
جـــراح : لا والله ما صار نصيب وبعدين ما فيه اللي تستاهل أحبها
يوسف : إي والله صادق .. بس في بنات شحلاتهم يهبلون وأخلاقهم مررهـ حلوه
جـــراح : إي شيومة في بس قتلك للحين ما صار نصيب
يوسف : إنت مشالله عليك روحك حلوه تضحك وتونس الله يخليك لأهلك
جـــراح : صدق .. ؟
يوسف : إي والله صدق .. آنا ما حب أجامل أحد
جـــراح : بعد عمري والله
يوسف : وشو .. ؟
جـــراح : آسف إطلعت عفويه من غير قصد
يوسف : لا عادي
جـــراح : ممم أنا ما أشوفك تضحكين كثيير ليش .. ؟
يوسف : إي والله صادق آنا ما أَضحك كثيير حياتي تعاسه بتعاسه
جـــراح : أفا ليش .. ؟
يوسف : إنت لما قلتلي بعد عمري آنا وايد استانست بس ما حبيت أبينلك .. آنا محد يقولي
مثل هالكلام .. أهلي بالبيت يعاملوني كني خدامه مو بنتهم
جـــراح : كل هذا فيك
يوسف : وأكثر من كذا
جـــراح : تصدقين ودي أسمع منك كثيير سوالفك ما تنمل بس آنا الحين لازم أروح .. ممكن طلب ..؟
يوسف : تفضل
جـــراح : ميخالف أضيفك عندي بالإيميل هذا إذا ما عندك مانع
يوسف : والله مادري شقولك .. آنا ما أضيف شباب عندي
جـــراح : بس آنا مو من هالشباب وإنشالله ما تشوفين مني إلا كل خير
يوسف : أدري .. وإنت مبين عليك خوش صبي وآنا بضيفك وإنشالله ما أشوف منك قاصر
جـــراح : لا إنشالله ما تشوفين مني إلا كل خير
يوسف : عطني إيميلك وآنا أضيفك
جـــراح : أوكي هذا إيميلي .......... متى تضيفيني .. ؟
يوسف : إنشالله الحين
جـــراح : أوكي آنا طالع الحين تامريني على شي .. ؟
يوسف : سلامتك
جـــراح : أشوفك على خير إنشالله .. مع السلامه
يوسف : الله يسلمك
....................
فلم يوسف مشى على جراح المسكين
وجراح عاش بوهم
ويوسف ما تاب صار يسولف مع جراح كل يوم بالماسنجر
وطبعا يوسف للحين منتحر شخصية شيماء
وجراح المسكين عاش بأجواء الحب وتولع بشيماء
وطلب يشوف صورتها
والثعلب يوسف مضبط شغله
حط حق جراح صورة بنية حاطه شيله على راسها وهالبنيه حلوه مررهـ
وجراح لما شاف الصوره لا ليله ليل ولا نهاره نهار
خلاص إنفجر
الحب سيطر عليه من كل مكان
وصار ينفذ أوامر شيماء أقصد يوسف
وهالدقه اللي مسويها يوسف تتوقعون كم إستمرت .. ؟
ســـــنـــــة كـــــامـــــلـــــة
يوسف للأسف ما مل من هاللعبه
سبحان الله
جراح يبجي وما ينام الليل من كثر الشوق واللهفه والحنين اللي فيه
وينطر متى يصير باجر عشان يسولف مع شيماء
أقصد الوهم
ويوسف الله يسامحه
ميت من الضحك عليه
....................
يوسف قام يحلي اللعبه
صار ما يشبك
وطبعا جراح المسكين قام ينتظر ويدز إيميلات
ويوسف ميت ضحك
جراح صار واحد ثاني
ما يطلع من بيتهم
كلا قاعد بداره
يتخيل صورة شيومه حبيبته
يتخيل سوالفها
دلعها
روحها الحلوه
ويبكي ويبكي
....................
بعد شهرين
شبك يوسف
وجراح طار من الفرحة
قال حق شيوم ليش ما تشبكين .. ؟ وشرحلها شوقه وحنينه
وقاموا يسولفون
جراح ما قدر يصبر
قال حق شيوم أبي رقمك بكلمك بالتلفون
شيوم إرفضت تدرون ليش .. ؟
لأن صوتها خشن
لوووووووووول
اللي أهو صوت يوسف هالتعبان اللي ما يستحي
فقررت شيوم إنها تواعد جراح
ودار بينهم هالحوار
جـــراح : حياتي يعني الحين شلون ماراح أسمع صوتك .. ؟
يوسف : حياتي لا تزعل روحك كذا .. أنا عندي فكرة
جـــراح : وشو .. ؟
يوسف : شرايك تشوفني .. وبكذا راح ناخذ على بعض أحسن من التلفون بألف مرة
جـــراح : من صدقك إنتي .. ؟
يوسف : إي والله عن جد
جـــراح : الله وناااااااااااسة :rolleyes:
يوسف : وآنا شبي غير وناستك يا بعد عمري
جـــراح : حياتي والله .. إنزين شيومتي أي مكان راح أشوفك فيه .. ؟
يوسف : ممم شوف الساعة 9 باليل بالحديقة شرايك
جـــراح : صار بس وش راح تلبسين .. ؟
يوسف : ممم راح اكون لابسه شيله ونقاب وعبايه
جـــراح : وي وي وي ليش كل هالعذاب .. ؟
يوسف : حياتي عشان ما أبي احد يشوفني
جـــراح : أوكي حياتي صار
جراح طبعا ما يحتاي أوصفلكم شعوره
الأخ المسكين راح الصالون ما خلا شي ما سواه بوجهه
صنفرة وتنظيف بشرة وحلق وظبط شغله وكشخ
وراح الحديقه الساعه 5
ينطر الساعه تصير 9 عشان يشوفها
مسكين كل هذا حب .. ؟
قاعد ينتظر و ينتظر ..
وأخونا الشيطون الثاني يويسف
راح سووق يشتري دراعة وعباية وشيلة ونقاب
قرب الموعد
يوسف لبس الدراعة وتعطر من عطر حمامهم
ولبس الشيله والنقاب والعبايه
والأخ يعني صايد الحركة
راح كحل عينه
صارت الساعة 9 باليل
راح يويسف الحديقه وقعد بالكرسي
نزل جراح من السياره وغرق روحه بالعطر المسكين
دخل الحديقه وقام يدور على وحده منقبه وعبايه
لقاها قاعده آخر شي
قرب صوبها
وبدأت ساعة الصفر
طبعا يوسف ما خلا عسل ما شربه عشان ينعم الصوت
ومشت على جراح لعبة الصوت
لأنه منهمك بالحب ولا ركز على هالشغلات
ودار بينهم هالحوار
جـــراح : قوة
يوسف : قوتين يا هلا
جـــراح : إنتي شيوووم .. ؟
يوسف : إي آنا ليه ما عرفتني
جـــراح : لا أعرفك بس حبيت أتأكد
يوسف : والحين تأكدت .. ؟
جـــراح : إي بعد عمري تأكدت
يوسف : واااي على هالحكي الحلو
جـــراح : سمعيني شيوم آنا أموت فيك أحبك مرره مررره مستعد أذبح روحي عشانك
يوسف : بعد عمري لا تقول تذبح روحك .. باسم الله عليك
جـــراح : حياتي تكفيين بكلمك بالتلفون
يوسف : آنا ودي أكلمك بس ماقدر ماقدر
جـــراح : ليش .. ؟
يوسف : تلفوني مافيه رصيد ابد
جـــراح : ههههه لا يا عمري آنا راح أتصل عليك مو إنتي
يوسف : حياتي إنتا ما تقدر تتصل علي لأن خطي مصفر مافيه ولا فلس وراح يطلعلك
(( لا يمكن الإتصال على المشترك حاليا ))
جـــراح : أوكي خلاص اليوم روحي إشتريلك كرت وعبي
يوسف : من وينلي فلوس .. ؟ أبوي ما يعطيني ولا أمي مادري شفيهم علي هالأيام
جـــراح : ولا يهمك حياتي دقايق بروح أشتريلك كرت وأرجع
يوسف : لالا مابي أكلف عليك
جـــراح : لا عمري لا كلافة ولا شي و إنتي مني وفيني
راح جراح يشتري كرت لشيوم
وطبعا الأخ الفاضل يويسف
رفع النقاب
وجهه عرق :p
قام يستنشق الهواء
وأهو ميت ضحك
شاف جراح جاي من بعيد
غطا وجهه
وصل جراح
ودار بينهم هالحوار
جـــراح : هاك عمري هذا الكرت
يوسف : وي وي بعد عمري مشكور ما قصرت
جـــراح : أفا عليك كم شيومه عندي
يوسف ما قدر يستحمل
فصخ النقاب والشيله
وشوفوا شصار
جـــراح : يو يوس يوس يو يوسس يوسف .. ؟ :eek:
يوسف : كاااااااااااااااااااااااااااااااك يالخرووووووووووووووووووووووووووووووف
..................
وش تتوقعون موقف جراح ..؟
من بعد القصة اللي عاشها والسنة اللي خذاها بالحب والشوق والحنين
لشيماء اللي إطلعت وهم
وهالحب الوهمي اللي بناه وفكر إنه يوصل للزواج
كان لعبة من صديقه
جراح إنصدم وظل واقف بمكانه ما يتحرك
رجوله تهتز مو قادره تشيله لما طاح وأغمى عليه :eek:
يوسف خاف على جراح وشاله ووداه المستشفى
وللأسف جراح جاه إنهيار عصبي وصار مجنون وبيظل طول عمره بالمستشفى
ظاعت حياة جراح ظاعت
ولو كانت شيماء حقيقة كان شفتوا حياة جراح
أحلى حياة لأن هالولد نيته شريفة وحب من قلبه
ويوسف كثر ماكان يضحك على جراح
صار يبكي ويبكي ويبكي
وحلف إنه ما يسامح نفسه طول عمره
لكن بعد ايييش .......... ؟؟
الأربعاء سبتمبر 19, 2007 6:16 am
